"Барселона" дарвозабони Марк-Андре тер Штеген ўз жамоаси раҳбариятидан жуда норози.
Sport.es нашри хабарига кўра, дарвозабон мураббийлар штабидан уни Чемпионлар лигаси ярим финалида "Интер"га қарши ўйинда майдонга туширишни талаб қилганида кийим алмаштириш хонасидаги муҳитни бузганини айтган маълумотлар сизиб чиққанидан ғазабланган.
“Барселона” яқин орада тер Штегенни сотмоқчи ва унинг ўрнига “Эспаньол”дан Жоан Гарсияни қўлга киритмоқчи. Шунга қарамай, немис ўз клубига қарши урушга киришга тайёр. Марк-Андре билан 3 йиллик шартнома тузилган ва у жамоани тарк этиш ниятида эмас.
