Босниялик 39 ёшли марказий ҳужумчи Эдин Жеко Истанбулнинг “Фенербахче” жамоасида ўйнаган Туркиядан Италия чемпионатига қайтиши мумкин.
"Болонья" "Интер" ва "Рома"нинг собиқ ҳужумчисини ўз сафига қўшиб олмоқчи. Жеконинг "канарейкалар" билан амалдаги шартномаси июн ойи охирида тугайди. Шундай қилиб, босниялик "Болонья"га текинга ўтиши мумкин.
Жамоа устози Винченцо Итальянонинг шахсан ўзи бу трансферни маъқуллаган. Туркия Суперлигасининг 2024/2025 йилги мавсумида ҳужумчи 35 та ўйинда майдонга тушди. Эдин 14 та гол урди ва 4 та голли узатмани амалга оширди.













