Ўзбекистон миллий терма жамоаси Жаҳон чемпионатига йўлланма олди. Шу муносабат билан, 10 июнь куни Тошкент марказидаги Миллий кутубхона олдида жойлашган ёшлар шаҳарчасида бу улкан ютуқни ёшлар биргаликда нишонлайди.
“Салом, Мундиал!” махсус дастури доирасида пойтахт ёшлари учун футбол учрашуви намойиши, ДЖ сетлар, лазерли шоулар ва таниқли санъаткорлар иштирокида ажойиб кеча бўлиб ўтади.
Ҳаракат шаҳарчаси футбол учрашуви ва ундан кейинги тақдирлаш маросимининг жонли намойиши ҳамда йилнинг энг ёрқин тантанаси — "Салом, Мундиал!" супершоусига мезбонлик қилади.
Унутилмас ва қалбларни жумбушга келтирувчи вайбни ДЖ, перформенслар, лазерли шоулар ҳамда Ўзбекистоннинг энг истеъдодли ижрочилари кафолатлайди!
Лойиҳа Тошкент шаҳар ҳокимлиги, Ўзбекистон футбол ассоциацияси ва бир нечта йирик корхоналар кўмагида ташкил этилмоқда.
