"Галатасарой" "Бавария"нинг ўнг қанот ҳимоячиси Лерой Саненинг Истанбул клубига ўтишига ишонч билдирди.
Журналист Фабрицио Романонинг "Галатасарой" раҳбариятига таяниб хабар беришича, футболчи билан барча келишувларга эришилган ва яқин орада трансфер ҳақида расмий эълон қилиниши керак.
Эслатиб ўтамиз, Саненинг "Бавария" билан шартномаси 30 июнь куни ниҳоясига етади. 29 ёшли футболчининг трансфер қиймати 32 миллион еврони ташкил қилади, аммо турклар уни эркин агент сифатида олишади.
2024/2025 йилги мавсумда футболчи барча клуб турнирларида 45 та ўйин ўтказиб, 13 та гол урди ва 6 та голли узатмани амалга оширди.













