"Наполи" "Жирона"нинг чап қанот ҳимоячиси Мигель Гутьерресни сотиб олишга яқин турибди, деб ёзади Marca.
23 ёшли испаниялик футболчининг товон пули “Реал” учун 8 миллион евро, қолган барча клублар учун эса 35 миллион евродир. "Наполи" клуби "Жирона" билан Мигелнинг трансфери бўйича 30 млн еврога келишиб олишни режалаштирмоқда ва шу тариқа футболчининг 50% ҳуқуқларига эгалик қилувчи "Реал" бу сумманинг ярмини олади.
"Ювентус" ва "Милан" ҳам Гутьерресни кузатиб боришди, аммо "Наполи" уни қўлга киритиш учун фаворит саналади.
Жорий мавсумда Гутьеррес клуб миқёсида 36 та ўйинда майдонга тушиб, 2 та гол урди ва 6 та голли узатмани амалга оширди.
