Райан Шерки "Манчестер Сити" ва Пеп Гвардиолада ўйнаш истаги борлигини таъкидлади.
21 ёшли ярим ҳимоячи "Лион"дан 36,5 миллион евро + 6 миллион еврога трансфер қилинганидан кейин "шаҳарликлар" сафига қўшилди.
"Манчестер Сити"га қўшилиши ҳақида:
"Мен "Манчестер Сити"да ўйнаганимдан жуда хурсандман. Бу Европанинг энг катта клуби. Менга ўйин услуби ёқади, бу мен учун жуда муҳим.
Бу менинг танловим ва бу менинг фаолиятим учун энг яхши танлов, чунки “Манчестер Сити” мен учун энг яхши вариант”.
Пеп Гвардиоланинг трансферга таъсири ҳақида:
“Мен учун у дунёнинг энг яхши мураббийи ва мен уни тарихдаги энг яхши мураббий деб биламан.
Мен унинг учун ўйнашни яхши кўраман!" - деди Шерки клуб сайтига.
