Rayan Sherki "Manchester Siti" va Pep Gvardiolada o‘ynash istagi borligini ta’kidladi.
21 yoshli yarim himoyachi "Lion"dan 36,5 million yevro + 6 million yevroga transfer qilinganidan keyin "shaharliklar" safiga qo‘shildi.
"Manchester Siti"ga qo‘shilishi haqida:
"Men "Manchester Siti"da o‘ynaganimdan juda xursandman. Bu Yevropaning eng katta klubi. Menga o‘yin uslubi yoqadi, bu men uchun juda muhim.
Bu mening tanlovim va bu mening faoliyatim uchun eng yaxshi tanlov, chunki “Manchester Siti” men uchun eng yaxshi variant”.
Pep Gvardiolaning transferga ta’siri haqida:
“Men uchun u dunyoning eng yaxshi murabbiyi va men uni tarixdagi eng yaxshi murabbiy deb bilaman.
Men uning uchun o‘ynashni yaxshi ko‘raman!" - dedi Sherki klub saytiga.
