"Барселона" ярим ҳимоячиси Марк Берналь жамоа билан тўлақонли машғулотларга қайтишга яқин турибди.
18 ёшли футболчи янги мавсумга умумий гуруҳда тайёргарлик кўради - у мавсумолди тайёргарлик бошланганидан 15 кун ўтиб машғулотларга киришади, деб хабар бермоқда журналист Санти Овалле. Хавбек юкламаларга тез мослашиши кутилмоқда.
Марк Берналь ўтган мавсум бошида атиги учта ўйинда майдонга тушди, шундан сўнг у хочсимон боғламининг ёрилиши туфайли сафдан чиқди. Ёш истеъдод эгаси ўтган ой охирида 18 ёшни қарши олди.













