Мадриднинг "Атлетико" клуби устози Диего Симеоне клублар ўртасидаги жаҳон чемпионати - 2025 ҳақида фикр билдирди.
"Ушбу мусобақада Испания шарафини ҳимоя қилиш биз учун шараф. Биз қўлимиздан келганини қиламиз. Бу мухлислар учун ҳаяжонли томоша бўлади. Бу биз учун навбатдаги тажриба," - дея аргентиналик мутахассиснинг сўзларини келтиради УЕФА матбуот хизмати.
Нуфузли мусобақанинг гуруҳ босқичида "матрасчилар"га Франциянинг "ПСЖ," Бразилиянинг "Ботафого" ва АҚШнинг "Сиэтль" клублари рақиблик қилади. Дастлабки ўйинда Симеоне шогирдлари парижликларга қарши майдонга тушади.













