Ўзбекистон U-17 терма жамоаси Жанубий Америка турнеси доирасидаги навбатдаги назорат учрашувида Чилига қарши майдонга тушди ва 2:1 ҳисобида муҳим ғалабага эришди.

Ўйин юқори темпда бошланди ва дарҳақиқат, жамоамиз беллашувни фаол бошлади. Жамоамизнинг илк голи 10-дақиқада Садриддин Ҳасанов томонидан урилди — у рақиб дарвозабонини яккама-якка вазиятда доғда қолдирди ва ҳисобни очди.

Биринчи таймда бошқа гол қайд этилмади. Иккинчи бўлим аввалида мураббийларимиз Абдумўминов, Шукуруллаев ва Файзуллаев захирадан майдонга туширилди.

Бу ўзгаришлар ўз самарасини берди. 60-дақиқада майдонга иккинчи бўлимда тушган Азизбек Абдумўминов жамоамизнинг иккинчи голини киритди ва ҳисоб 2:0 кўринишига келди.

65-дақиқада яна бир қатор ўзгаришлар амалга оширилди — жамоа тўрт нафар янги футболчи кучайтирилди. Аммо 72-дақиқада рақиб — Чили жамоаси сафида Максимо Эспинола аниқ зарба йўллаб, ҳисобни қисқартирди.

Охирги дақиқаларда ҳам икки томондан фаол ҳаракатлар кузатилган бўлса-да, яна гол урилмади. 90+6-дақиқада ҳакам учрашувни якунлади.

Уч кун аввал ўтказилган дастлабки ўйинда ўсмирларимиз 1:0 ҳисобида ғалаба қозонишган эди.

U-17 ўртоқлик ўйини. 2025 йил 13 июнь
Чили - Ўзбекистон - 1:2 (0:1)
Голлар: 10’ — Садриддин Ҳасанов, 60’ — Азизбек Абдумўминов, 72’ — Максимо Эспинола