O‘zbekiston U-17 terma jamoasi Janubiy Amerika turnesi doirasidagi navbatdagi nazorat uchrashuvida Chiliga qarshi maydonga tushdi va 2:1 hisobida muhim g‘alabaga erishdi.

O‘yin yuqori tempda boshlandi va darhaqiqat, jamoamiz bellashuvni faol boshladi. Jamoamizning ilk goli 10-daqiqada Sadriddin Hasanov tomonidan urildi — u raqib darvozabonini yakkama-yakka vaziyatda dog‘da qoldirdi va hisobni ochdi.

Birinchi taymda boshqa gol qayd etilmadi. Ikkinchi bo‘lim avvalida murabbiylarimiz Abdumo‘minov, Shukurullayev va Fayzullayev zaxiradan maydonga tushirildi.

Bu o‘zgarishlar o‘z samarasini berdi. 60-daqiqada maydonga ikkinchi bo‘limda tushgan Azizbek Abdumo‘minov jamoamizning ikkinchi golini kiritdi va hisob 2:0 ko‘rinishiga keldi.

65-daqiqada yana bir qator o‘zgarishlar amalga oshirildi — jamoa to‘rt nafar yangi futbolchi kuchaytirildi. Ammo 72-daqiqada raqib — Chili jamoasi safida Maksimo Espinola aniq zarba yo‘llab, hisobni qisqartirdi.

Oxirgi daqiqalarda ham ikki tomondan faol harakatlar kuzatilgan bo‘lsa-da, yana gol urilmadi. 90+6-daqiqada hakam uchrashuvni yakunladi.

Uch kun avval o‘tkazilgan dastlabki o‘yinda o‘smirlarimiz 1:0 hisobida g‘alaba qozonishgan edi.

U-17 o‘rtoqlik o‘yini. 2025 yil 13 iyun
Chili - O‘zbekiston - 1:2 (0:1)
Gollar: 10’ — Sadriddin Hasanov, 60’ — Azizbek Abdumo‘minov, 72’ — Maksimo Espinola