"Милан"нинг собиқ футболчиси, ҳозирда мураббий бўлиб ишлаётган Женнаро Гаттузо яқин вақт ичида Италия терма жамоаси бош мураббийи лавозимини эгаллайди. Бу ҳақда ижтимоий тармоқлар орқали инсайдер Жанлука ди Марцио хабар бермоқда.
Журналистнинг маълумотига кўра, томонлар яқин кунларда битим тузади. Эслатиб ўтамиз, ўтган ҳафтада "скуадра адзурра" бош мураббийи лавозимини Лучано Спаллетти тарк этган эди.
Гаттузонинг сўнгги иш жойи Хорватиянинг "Хайдук" клуби бўлган. Италиялик мутахассис жорий ой бошида жамоани тарк этганди. Бунгача унинг мураббийлик фаолиятида "Марсель," "Наполи," "Валенсия" ва бошқа клублар бўлган.
