"Милан" "Манчестер Сити"га ўтган Тиджани Рейндерсга ўринбосар сифатида ПСВ ярим ҳимоячиси Малик Тильман трансферини ўрганиб чиқмоқда. Бу ҳақда Milan Press хабар бермоқда.
Шунингдек, 23 ёшли футболчининг хизматларига "Рома" ва Флориан Вирцсиз қолган "Байер" каби клублар ҳам қизиқиш билдирмоқда. ПСВ футболчи учун камида 25 миллион евро ишлаб олишни кўзламоқда.
Тилльман ажойиб мавсумни ўтказди ва жамоасининг чемпионлигига катта ҳисса қўшди. У Эредивизияда 28 та ўйинда 12 та гол урди ва 2 та голли узатмани амалга оширди (бошқа мусобақаларда 8 та ўйин, 4 та гол ва 3 та голли узатма).
