Лондоннинг "Тоттенхэм" клубига ўтган ҳужумчи Матис Тель Мюнхеннинг "Бавария" клубини тарк этгани ҳақида фикр билдирди.
"Бавария" учун ўйиннинг ҳар бир дақиқасидан завқ олдим. Мюнхен менинг қалбимда абадий қолади. Мухлисларга қўллаб-қувватлаганлари учун миннатдорчилик билдирмоқчиман, буни ҳеч қачон унутмайман. Клубга энг яхши тилакларни билдирмоқчиман. Барчага катта раҳмат," - дейилади футболчининг ижтимоий тармоқдаги саҳифасида.
Ўтган мавсумда 20 ёшли француз "Тоттенхэм" сафида ижара асосида тўп тепган эди. Тель Англия Премьер-лигасида 13 та учрашувда қатнашиб, 2 та гол урган ва 1 та голга ҳаммуаллифлик қилган.
