Londonning "Tottenxem" klubiga o‘tgan hujumchi Matis Tel Myunxenning "Bavariya" klubini tark etgani haqida fikr bildirdi.

"Bavariya" uchun o‘yinning har bir daqiqasidan zavq oldim. Myunxen mening qalbimda abadiy qoladi. Muxlislarga qo‘llab-quvvatlaganlari uchun minnatdorchilik bildirmoqchiman, buni hech qachon unutmayman. Klubga eng yaxshi tilaklarni bildirmoqchiman. Barchaga katta rahmat," - deyiladi futbolchining ijtimoiy tarmoqdagi sahifasida.

O‘tgan mavsumda 20 yoshli fransuz "Tottenxem" safida ijara asosida to‘p tepgan edi. Tel Angliya Premyer-ligasida 13 ta uchrashuvda qatnashib, 2 ta gol urgan va 1 ta golga hammualliflik qilgan.