"Челси"нинг собиқ футболчиси Жон Оби Микель жамоанинг Энцо Мареска давридаги истиқболларини баҳолади.
Душанба куни "кўклар" клублар ўртасидаги жаҳон чемпионати гуруҳ босқичи 1-турида "Лос-Анжелес"ни мағлуб этишди (2:0), шундан сўнг нигериялик собиқ ярим ҳимоячининг мақтовига сазовор бўлишди.
"Мареска ўзига хос бир нарса қуряпти. Бу жамоа жуда ёш эканлигини унутманг. Футболчиларга катта босим ўтказяпмиз, лекин улар жуда ёш. Ўйлайманки, икки, уч ёки тўрт йилдан кейин бу таркибга қараб, Чемпионлар Лигасидаги ғалаба ҳақида гапириш мумкин бўлади," - деди Оби Микель DAZN телеканали эфирида.
