Машҳур собиқ дарвозабон Оливер Кан Мануэль Нойернинг "Бавария"даги ҳолати ҳақида ўз фикрлари билан ўртоқлашди.
Мюнхенликлар жамоасининг 39 ёшли сардори клубда камида яна бир мавсум ўтказади - февраль ойида у шартномасини 2026 йилнинг ўрталарига қадар узайтирди.
"Нойер жароҳатларга тобора кўпроқ мойил бўлиб бормоқда, аммо у ҳали ҳам ўзини кўрсата олади. Унинг ёшида учта мусобақада бутун мавсум ўйнаш жуда қийин. Қайсидир нуқтада сиз ўзингизнинг табиий чегарангизга эришасиз. Мануэль энди ҳеч кимга ҳеч нарсани исботлаши шарт эмас, энди унинг вазифаси асосий учрашувларга оптимал формада ёндашиш" - деди Кан.
"Менимча, Нойер вазиятни ўзи баҳолаш учун етарлича тажрибага эга. Уни нима ундаётганини билмайман. Миллатлар лигасида Криштиану Роналдуни кузатиб, ўзимга савол бердим: "Уни бу ёшда ўйнашга нима ундади? Гап ғалабалар ва рекордлар ҳақидами?" Ҳар ким ўз рағбатини топади" - деди Кан SportBild нашрига берган интервьюсида.
Мануэль Нойер 2011 йилдан бери “Бавария” шарафини ҳимоя қилиб келади.
