"Реал" бош мураббийи Хаби Алонсо ёзда жамоага ўтадиган Франко Мастантуоно ҳақидаги саволга жавоб берди. Испания гранди аргентиналик футболчининг трансфери борасида "Ривер Плейт" билан келишиб олди - келишув 45 миллион еврога баҳоланмоқда. Ҳужумкор ярим ҳимоячининг трансфери август ойида, у ўзининг 18 ёшини нишонлаганда амалга ошади.
"Биз Франко билан шартнома имзолаганидан мамнунмиз. Бу йигит ажойиб муваффақиятга эришди, унинг ақл бовар қилмайдиган келажаги бор. У билан суҳбатдан кейин Мастантуононинг амбициялари ва етуклигига қойил қолдим", - деди Хаби Алонсо.
Чоршанба куни "Реал" клублар ўртасидаги жаҳон чемпионати гуруҳ босқичининг биринчи ўйинида "Ал-Ҳилол"га қарши майдонга тушади.
