"Манчестер Юнайтед"нинг собиқ ярим ҳимоячиси Девид Бекхэм унга рицарлик унвони берилганига онасининг муносабати ҳақида гапирди.
Эслатиб ўтамиз, аввалроқ собиқ футболчи сэр, унинг рафиқаси Виктория эса ледига айлангани маълум бўлганди.
"Онам билан тушлик қилдим, янгилик чиққандан бери кўришмаган эдик. Онам келганда йиғлади, тушлик пайтида ҳам, мен кетаётганимда ҳам кўз ёши тўкди. Бу ҳаммамиз учун ўзгача лаҳза бўлди. Сизни яхши кўраман, ойижон," - дея Бекхэм ўзининг ижтимоий тармоқлардаги саҳифасида ёзиб қолдирди.













