"Барселона" "Монако"нинг ўнг қанот ҳимоячиси Вандерсонга таклиф тайёрламоқда.

"Кўк-анорранглилар" анчадан буён бразилиялик футболчига даъвогарлар қаторида тилга олиниб келаётганди ва энди аниқ ҳаракатга ўтмоқчига ўхшайди. Журналист Валентин Фурлани маълумотига кўра, Каталония гранди Вандерсон бўйича 30 млн евролик таклиф беришни режалаштирмоқда - "Монако" айнан шунча футболчини баҳоламоқда. Футболчига "Манчестер Юнайтед" ва "Тоттенхэм" ҳам қизиқиш билдираётганди, аммо ҳозирча ҳеч кимдан расмий таклиф бўлгани йўқ.

Ўтган мавсумда Вандерсон "Монако" сафида 41 та ўйинда майдонга тушиб, 2 та гол ва 5 та голли узатмага муаллифлик қилган. 23 ёшли футболчи Бразилия терма жамоаси сафида 7 марта майдонга тушган.