Франциялик ярим ҳимоячи Димитри Пайе "Васко да Гама"ни тарк этди, бироқ ҳали Бразилия ҳудудини тарк этмади.
Сабаби давом этаётган суд жараёнидир. Globo Esporte хабарига кўра, жинсий зўравонлик бўйича иш аввалроқ ёпилган, бироқ Рио-де-Жанейро штат прокуратураси жабрланувчининг апелляция шикояти берганидан кейин қарорни бекор қилган.
Энди Пайе расман адвокат Ларисса Феррарига нисбатан руҳий зўравонликда айбланмоқда. Прокурор футболчининг жавобгарликка тортилишини, шунингдек, маънавий зарар ва тиббий харажатларни қоплашни талаб қилмоқда.
