"Фулхэм" "Лидс"нинг ҳужумчи Родриго Мунисни сотиб олиш бўйича 32 миллион фунтлик таклифини рад этди.
Кўрсатилган таклиф 26 миллион фунт ва 6 миллион фунт бонуслар кўринишидаги кафолатланган суммадан иборат эди, аммо "Фулхэм" рад жавобини берди.
"Фулхэм" Мунисни ўзининг энг қимматбаҳо активларидан бири сифатида кўрмоқда ва ёзда Родригони сотмоқчи эмас, деб ёзади Evening Standard.
"Фулхэм" Мунисни сотиш ҳақида фақат рад этиб бўлмайдиган таклиф олсагина ўйлаши мумкин, аммо бу аниқ 32 млн. фунт эмас.
Бундан ташқари, "Фулхэм"нинг ўзи ёзда яна бир ҳужумчига эга бўлишга интилмоқда, гарчи Мунис ва Рауль Хименес клубда қолса ҳам.
Ўтган мавсумда Мунис АПЛда атиги саккизта ўйинда майдонга тушди, аммо барибир саккизта гол урди.
