Лондоннинг "Тоттенхэм" клуби ҳужум чизиғини кучайтирувчи футболчи қидиришни кучайтирди ва "Борнмут"нинг асосий футболчиларидан бири - Антуан Семеньога эътибор қаратди.
Бу ҳақда The Athletic ёзмоқда. Манбага кўра, "шпорлар"нинг янги устози Томас Франк 25 ёшли вингерда ҳужум чизиғини янгилаш учун муносиб номзодни кўрмоқда. Шу билан бирга, "Борнмут" ўз футболчисини 81,6 миллион еврога баҳоламоқда, бу эса эҳтимолий трансферни жуда қимматга туширади.
Семеньо аввалроқ "Манчестер Юнайтед" шорт-листидан ўрин олганди, аммо ҳозирда айнан "Тоттенхэм" энг фаол қизиқиш билдирмоқда. Лондонликлар параллел равишда бошқа йўналишларда ҳам иш олиб бормоқда - аввалроқ ОАВда "Брентфорд" форварди Брайан Мбеумога қизиқиш борлиги, у ҳам "МЮ" эътиборига тушгани ҳақида хабарлар тарқалганди.
