"Монако" ҳимоячиси Вандерсон "Барселона"нинг қизиқишлар доирасига тушиб қолди.
L'Equipe нашри тарқатган хабарга кўра 23 ёшли ўнг қанот футболчиси каталонияликлар томонидан сотиб олиниши мумкин бўлган футболчи сифатида кўрилмоқда, аммо унинг трансфери тўғридан-тўғри клубнинг трансфер даромадларига боғлиқ. Манбага кўра, Вандерсон "Барселона" раҳбариятининг ёзги мавсумдаги асосий мақсадлари қаторига кирмайди, аммо бир нечта футболчилар кетиб, бўш бюджет пайдо бўлган тақдирда вариантга айланиши мумкин. Футболчига аввалроқ "Ливерпуль" ҳам қизиқиш билдирган, улар бразилиялик футболчини Трент Александр-Арнольдга ўринбосар сифатида кўраётганди.
Якунланган мавсумда Вандерсон "Монако" сафида 41 та ўйинда майдонга тушиб, 2 та гол урди ва шерикларига 5 та голли узатмани амалга оширди. Унинг клуб билан шартномаси 2028 йилнинг июнигача амал қилади. Transferмаркт портали футболчининг нархини 20 миллион еврога баҳоламоқда.
