Мадриднинг «Реал» жамоаси вингери Винисиус Жуниор машғур ижтимоий тармоқдаги саҳифасидан клубга тегишли маълумотларни ўчириб ташлади. Шунингдек, у «Реал» футболкасини кийиб тушган сўнгги суратларини ҳам саҳифасидан йўқ қилди.
Бу ҳолат, эҳтимол, Клублар ўртасидаги жаҳон чемпионатидаги илк ўйиндан кейин унга қарши кузатилган хейтерлик тўлқини билан боғлиқ.
Бразилия терма жамоаси ҳужумчисининг охирги пости остида уни жамоани тарк этишга чақирувчи изоҳлар кўплаб учрайди. Айрим мухлислар «Ал-Ҳилол»га қарши ўйиндаги (1:1) Винисиуснинг ўйинидан норози бўлишган.
Эслатиб ўтамиз, ўтган мавсум якунлари бўйича Винисиус «Олтин тўп» учун овоз беришда иккинчи ўринни эгаллаган эди, аммо жорий мавсум якунида энг кўп қийматини йўқотган футболчилардан бирига айланди.













