"Фламенго" "Зенит"нинг ўнг қанот ҳимоячиси Уэсли трансфери бўйича таклифини рад этди.
"Фламенго" техник директори Жозе Бото La Gazzette dello Sport нашрига берган интервьюсида клуб 25 миллион евролик таклиф олгани ва рад этгани, 21 ёшли футболчи учун 30 млн евро олишни истаётганини маълум қилди.
Журналист Венья Казагранде клубдаги манбасидан "Фламенго" "Зенит"га рад жавобини берганини билиб олди. Петербургликлар расмий ҳужжат юборишди, аммо бразилияликлар рад жавобини беришди.
Таъкидланишича, бошқа клублар, жумладан, Италия клуби ҳам Уэсли учун 25 миллион евро тўлаш ниятида эканини маълум қилган, аммо футболчи бу суммага сотилмаслигини билгани учун "Фламенго"га расмий ҳужжат жўнатмаган.
Уэсли Рио-де-Жанейро клубининг асосий жамоаси сафида 132 та ўйин ўтказиб, 3 та гол урган ва 5 та голли узатмани амалга оширган.
