Саудия Арабистонининг "Ал-Ҳилол" клуби шарафини ҳимоя қилаётган португалиялик ярим ҳимоячи Рубен Невеш Европага қайтиши мумкин. Бу ҳақда Fichajes хабар бермоқда.
Журналистлар маълумотига кўра, 28 ёшли футболчига "Реал Мадрид" қизиқиш билдирмоқда. Испан суперклубига Невешнинг етакчилик қобилияти, шунингдек, ўйинни кўриш ва яхши зарба бериш қобилияти ёқади.
Эслатиб ўтамиз, Рубен Яқин Шарққа Англиянинг "Вулверхэмптон" клубидан кўчиб ўтган эди.
Ярим ҳимоячининг Саудия клуби билан шартномаси 2026 йилнинг июнь ойи охиригача мўлжалланган. Футболчининг бозор нархи 25 миллион еврога баҳоланмоқда.
