Мадриднинг "Атлетико" клуби ҳужумчиси Александр Сорлот клублар ўртасидаги жаҳон чемпионати - 2025 гуруҳ босқичи 3-тури доирасида Бразилиянинг "Ботафого" клубига қарши кечадиган учрашув ҳақида фикр билдирди.
"Бизга қарши жиддий рақиб майдонга тушади. Улар аввалги турда "ПСЖ" устидан ғалаба қозонишганди (1:0). "Ботафого" ҳозир жуда яхши ҳолатда. Уларнинг қарши ҳужумлари жуда яхши. Бу қийин ўйин бўлади," - дея норвегиялик тўпурарнинг сўзларини келтиради AS.
Эслатиб ўтамиз, "Атлетико" - "Ботафого" учрашуви бугун, 23 июнь куни Тошкент вақти билан соат 23:59'да бошланади.
