Fichajes хабарига кўра, "Атлетико Мадрид" "Бетис"нинг америкалик ярим ҳимоячиси Жонни Кардозони ўз сафига қўшиб олиш учун ҳал қилувчи ҳаракатни амалга оширди. Клуб унинг учун 30 миллион евро, қўшимча равишда 5 миллион бонус таклиф қилди.
"Бетис" дастлаб нархни 40 миллион қилиб белгилаган бўлса-да, футболчининг Мадридга ўтиш истаги томонларнинг позициясини юмшатган. Севилья клуби "Атлетико"нинг таклифи шу даражада қолса, Кардозони сақлаб қолиш қийин бўлишини тушунади ва келишув тезда якунланиши мумкинлигини истисно қилмайди.
2024/25 йилги мавсумда Жонни Кардозо "Бетис" сафида барча турнирларда 46 та ўйинда майдонга тушиб, 4 та гол ва 1 та голли узатмани амалга оширди.
