Ёзги трансфер ойнасида Трент Александр-Арнольд "Ливерпуль"ни "Реал"га алмаштирди. Ўшандан бери ҳимоячи "қаймоқранглилар" сафида клублар ўртасидаги жаҳон чемпионатида икки ўйинда майдонга тушди. Унда мадридликлар "Ал-Ҳилол" (1:1) билан дуранг ўйнади ва "Пачука"ни (3:1) мағлуб этди. Ғалабадан сўнг Трент ижтимоий тармоқларда пост қолдирди.
"Оқ либосдаги биринчи ғалаба! Hala Madrid!," - деб ёзди Трент.
Икки турдан сўнг "Реал" клублар ўртасидаги жаҳон чемпионатида 4 очко билан ўз гуруҳида пешқадамлик қилмоқда. Хаби Алонсо жамоаси плей-оффга чиқиши учун 3-турда "Ред Булл Зальцбург"га ютқазмаса кифоя.
