"Байер" ПСВдан ажойиб плеймейкерни ўз сафига қўшиб олмоқчи.
Sky Sport нашри журналисти Флориан Плеттенберг берган эксклюзив маълумотга кўра, Леверкузеннинг "Байер" клуби ПСВ билан 23 ёшли Малик Тилльман трансфери бўйича музокараларни бошлаган.
Қайд этилишича, "доришунослар" америкалик истиқболли ярим ҳимоячининг 2028 йил июнь ойи охиригача мўлжалланган шартномасидаги товон пулини фаоллаштиришга тайёр. Клублар ўртасида ҳозирча аниқ келишув йўқ.
Малик Тилльман ўтган ёзда ПСВ сафига "Бавария"дан 12 миллион евро эвазига келиб қўшилган эди. Унинг нархи машҳур Transfermarkt сайти маълумотларига кўра, ҳозирча 32 миллион еврога баҳоланмоқда.
