"Ювентус" вингери Тимоти Веа ва Самуэль Мбангула Англияга кўчиб ўтишга яқин турибди. "Кекса синьора" раҳбарияти "Ноттингем Форест"нинг иккала футболчи бўйича таклифига розилик билдирди, дея хабар бермоқда инсайдер Маттео Моретто. "Ўрмончилар" футболчиларнинг ўзлари билан ҳамкорлик шартларини келишиб олишлари қолди - музокаралар аллақачон олиб борилмоқда.
Transfermarkt портали талқинига кўра, 25 ёшли Тимоти Веанинг нархи 17 млн еврони, 21 ёшли Самуэл Мбангуланинг нархи эса 14 млн еврони ташкил этади. Америкалик ва бельгияликнинг "Ювентус" билан амалдаги шартномаси 2028 йилнинг ярмигача мўлжалланган.
