"Бавария" дарвозабони Мануэль Нойер клублар ўртасидаги жаҳон чемпионатида "Бенфика"га қарши кечган ўйиндаги мағлубият (0:1) ҳақида фикр билдирди.

13-дақиқада ўтказиб юборилган голга Венсан Компани жамоаси жавоб қайтара олмади. Сўнгги турдаги ўйиндаги мағлубият туфайли мюнхенликлар гуруҳда биринчи ўринни "Бенфика"га бой берди.

"Иссиқ баҳона бўла олмайди - иккала жамоа ҳам бир хил шароитда эди. Биринчи бўлимда иккинчи бўлимдагидек шиддат билан ўйнай олмадик ва бунга ўзимиз айбдормиз. Албатта, кўп вазиятларни қўлдан чиқардик, рақиб ҳам яхши эди. Муваффақиятсиз биринчи бўлимни таҳлил қилишимиз керак. Аммо танаффусдан кейин кўрсатган ўйинимиз - ҳақиқий "Бавария," айнан шундай ўйнашимиз керак. Ишончим комилки, кейинги ўйинда 90 дақиқа давомида шундай ҳаракат қилсак, муваффақиятга эришамиз," - дея Нойернинг сўзларини келтиради Bayern & Germany.

1/8 финалда "Бавария" "Фламенго"га қарши баҳс олиб боради.