"Bavariya" darvozaboni Manuel Noyer klublar o‘rtasidagi jahon chempionatida "Benfika"ga qarshi kechgan o‘yindagi mag‘lubiyat (0:1) haqida fikr bildirdi.
13-daqiqada o‘tkazib yuborilgan golga Vensan Kompani jamoasi javob qaytara olmadi. So‘nggi turdagi o‘yindagi mag‘lubiyat tufayli myunxenliklar guruhda birinchi o‘rinni "Benfika"ga boy berdi.
"Issiq bahona bo‘la olmaydi - ikkala jamoa ham bir xil sharoitda edi. Birinchi bo‘limda ikkinchi bo‘limdagidek shiddat bilan o‘ynay olmadik va bunga o‘zimiz aybdormiz. Albatta, ko‘p vaziyatlarni qo‘ldan chiqardik, raqib ham yaxshi edi. Muvaffaqiyatsiz birinchi bo‘limni tahlil qilishimiz kerak. Ammo tanaffusdan keyin ko‘rsatgan o‘yinimiz - haqiqiy "Bavariya," aynan shunday o‘ynashimiz kerak. Ishonchim komilki, keyingi o‘yinda 90 daqiqa davomida shunday harakat qilsak, muvaffaqiyatga erishamiz," - deya Noyerning so‘zlarini keltiradi Bayern & Germany.
1/8 finalda "Bavariya" "Flamengo"ga qarshi bahs olib boradi.
