Роналдо Карло Анчелоттининг Бразилия терма жамоасига тайинлангани ҳақида гапирди.
Италиялик мутахассис май ойида "Селесао"ни қабул қилиб олганди. Роналдо ва Анчелоттининг йўллари аввалроқ "Милан"да кесишган.
"Менимча, бу жуда зўр. Мен Анчелоттини яхши биламан, у бор эътиборини жамоа тузишга қаратади. У футболчилар билан муносабатларда етакчи бўлади, баҳсларда ғалаба қозонади ва уларнинг ишончини қозониш учун бор тажрибасини сарфлайди.
Ўйлайманки, мураббий футболчилар билан қандай муносабатда бўлишни билиши керак. Чегаралардан ташқарига чиқиш ёки босимни бироз юмшатиш учун.
У менга Сколарини эслатади. Фелипе жамоа учун ҳақиқий ота эди. Машғулотлар зерикарли бўлиши мумкин эди, лекин ҳамма унинг учун қурбон бўлишга тайёр эди", деди Бразилия терма жамоаси билан икки карра жаҳон чемпиони.
