Туниснинг "Эсперанс" жамоаси мураббийи Маҳер Канзари клублар жаҳон чемпионати гуруҳ босқичининг якуний турида "Челси"га йирик ҳисобда енгилгани ҳақида фикр билдирди. "Аристократлар" 3:0 ҳисобида ғалаба қозонди.
"90 дақиқа ва қўшиб берилган вақтда ҳам ўйнаш керак. Биринчи бўлимда 45 дақиқа ўйнадик, аммо қўшимча дақиқаларда эътиборимизни йўқотдик. Бунга қадар жамоа қарши ҳужумларда яхши ҳаракат қилиб, ҳужумда имкониятлар яратганди. Биринчи бўлим якуни учрашувнинг тақдирини ҳал қилди. Танаффусдан сўнг майдонда муҳим воқеалар кузатилмади," - дея мураббийнинг сўзларини ФИФА матбуот хизмати келтиради.
