"Манчестер Сити" футболчиси Клаудио Эчеверри бўлажак ўйинларда жамоасига ёрдам бера олмайди.
19 ёшли аргентиналик футболчи "шаҳарликлар" сафидаги дебют голини яқинда клублар ўртасидаги жаҳон чемпионати доирасида "Ал-Айн"га қарши ўйинда (6:0) уриб, жарима зарбасини аниқ амалга оширди.
Ўйин тугашига кўп ўтмай, ҳужумкор ярим ҳимоячи тўпиғидан олган жароҳати сабаб сафдан чиқди. Жамоа бош мураббийи Хосеп Гвардиола матбуот анжуманида эълон қилганидек, энди у икки ҳафтадан уч ҳафтагача майдонга туша олмайди.
Пайшанба куни “Манчестер Сити” жаҳон чемпионати гуруҳ босқичининг 3-тури доирасида “Ювентус”га қарши баҳс олиб боради.
