Лиссабоннинг "Спортинг" клуби ҳужумчиси Виктор Дьёкереш "Манчестер Юнайтед"га ўтиш истагида.
Аввалроқ, турли манбалар швед жамоаси Чемпионлар Лигасида иштирок этмагани учун "қизил иблислар" сафига ўтишни истамагани ҳақида хабар берган эди. Журналист Фрейзер Флетчернинг маълум қилишича, вазият бошқача: 27 ёшли футболчи "Манчестер Юнайтед"га трансферга тайёрлигини билдирган. "Арсенал" ва "Ливерпуль"нинг қизиқиши сақланиб қолаётган бўлса-да, футболчи учун курашда "МЮ"нинг устун келиши эҳтимоли анча юқори баҳоланмоқда.
Transfermarkt портали талқинига кўра, Виктор Дmёкерешнинг нархи 75 млн еврони ташкил этади. Ўтган мавсумда "Спортинг"нинг ҳужум чизиғи етакчиси 52 та ўйинда 54 та гол ва 13 та ассист қайд этди.
