Ҳужумчи Дарвин Нуньес ёзги трансферлар вақтида "Ливерпуль"ни "Наполи"га алмаштириши мумкин. Уругвайлик футболчи Англия чемпионларини тарк этиб, Италия чемпионлари қароргоҳига кўчиб ўтмоқчи.
Мерсисайдликлар 26 ёшли Нуньес бўйича ҳали таклиф олишмаган, аммо клубдагилар таклиф тез орада келиб тушишини билишади. "Ливерпуль"нинг позицияси анча қатъийлигича қолмоқда - Дарвин 70 миллион еврога яқин маблағ олган тақдирдагина қўйиб юборилади.
Дарвин Нуньес 2024/2025 йилги мавсумда 47 та расмий ўйинда майдонга тушиб, еттита гол урди ва шерикларига еттита голли узатмани амалга оширди.
