"Барселона" Ханс-Дитер Фликнинг севимли футболчиси эканлиги айтилаётган вингер Иван Перишичга қизиқиш билдирмоқда. Бироқ, "блауграна" ҳозирда "Атлетик"дан Нико Уилямс билан шартномани ёпишга эътибор қаратмоқда. Перишич эса ПСВда қолишга қарор қилди.
Фабрицио Романонинг ёзишича, 36 ёшли Перишич ПСВ билан янги меҳнат шартномасини имзолаш арафасида. Хорватиялик футболчи икки йиллик янги шартнома шартларини аллақачон қабул қилган. Фақат кичик тафсилотларни аниқлаштириш ва барча ҳужжатларни имзолаш қолади.
Иван Перишич ўтган йилнинг сентябрида ПСВга келиб қўшилганди. Ўшандан бери тажрибали хорватиялик футболчи 35 та ўйин ўтказиб, 16 та гол урди ва жамоадошлари учун 11 та голли узатмани амалга оширди.
