"Манчестер Сити" "Кристал Пэлас" ҳужумкор ярим ҳимоячиси Эберечи Эзега даъвогарлар рўйхатини тўлдирди.
Футболчи учун курашда Лондоннинг "Арсенал" ва "Тоттенхэм" клублари фаворит ҳисобланган, аммо "шаҳарликлар" ҳам "бургутлар" юлдузини сотиб олиш имкониятини кўриб чиқмоқда, деб ёзади Times Sport. Transfermarkt портали инглизнинг нархини 55 млн еврога баҳоламоқда.
Эзе Англия Премьер-лигасининг сўнгги мавсумида "Кристал Пэлас" сафида 34 та ўйинда майдонга тушиб, саккизта гол урди ва шунча голли узатмани амалга оширди. 26 ёшли футболчининг амалдаги шартномаси 2027 йилнинг ярмигача мўлжалланган.













