Мадриднинг "Реал" клуби вингери Винисиус Жуниор Хаби Алонсо келганидан кейин жамоа ўйинидаги ўзгаришлар ҳақида гапирди.
Испаниялик мураббий Карло Анчелотти ўрнини эгаллади. Янги мураббий қўл остида "қаймоқранглилар" клублар ўртасидаги жаҳон чемпионатида уч турда 7 очко жамғариб, ўз гуруҳида ғолиб чиқди.
"Рақиб ҳимоячиларига прессинг қилиш жуда муҳим. Кун сайин Хаби бизга нима қилиш кераклигини яхшироқ тушунтирмоқда. Ажойиб икки ҳафта ортда қолди. Жамоа ихчамроқ ўйнай бошлади," - деди Винисиус "Ред Булл Зальцбург"га (3:0) қарши ўйиндан кейин берган интервьюсида.













