Лондоннинг "Челси" клуби бош мураббийи Энцо Мареска клублар ўртасидаги жаҳон чемпионати 1/8 финалидан ўрин олган "Бенфика"га (4:1) қарши ўйиндан сўнг ўз фикрларини билдириб ўтди.

Якунда йирик ҳисоб қайд этилганига қарамай, ўйин, юмшоқ қилиб айтганда, барча иштирокчилар учун осон кечмади: 86-дақиқада ҳакам момақалдироқ туфайли ўйинни тўхтатди - пауза деярли икки соатга чўзилди. Учрашув давом эттирилгач, "Бенфика" жавоб голини урди - Анхель ди Мария лондонликларнинг фикрича, хато белгиланган пенальтини аниқ амалга оширди. Қўшимча бўлимларда лиссабонликлар бир киши кам бўлиб қолишди ва иккинчи экстра-таймда уч марта гол ўтказиб юбориб, мағлуб бўлди.

"Баъзида ҳакамнинг иши ҳақида нима деб ўйлаётганингни айтмаган маъқул," - деди Мареска DAZN'га ўйиндан кейинги интервьюсида.

"Челси"нинг КЎЖЧ 1/4 финалидаги рақиби Бразилиянинг "Палмейрас" жамоаси бўлди.