Каталониянинг "Барселона" клуби Испания терма жамоаси ва "Атлетик"нинг ҳужумкор ярим ҳимоячиси Нико Уильямс трансфери бўйича ишларни давом эттирмоқда.
Sport.es журналистларининг маълум қилишича, "кўк-анорранглилар" потенциал янги ўйинчига уни рўйхатдан ўтказишлари мумкинлиги ҳақида кафолат беришган. Ҳозирда "Барселона" Уильямс трансферидан кейин ҳеч қандай молиявий муаммо юзага келмаслиги устида ишламоқда.
22 ёшли вингернинг трансфер нархи 70 миллион еврога баҳоланмоқда. Унинг басклар билан шартномаси 2027 йилнинг июнь ойи охиригача мўлжалланган.













