"Ювентус" ҳужумчиси Душан Влахович аллақачон жомадонларини йиғиштириб, таклифларни кутмоқда. Томонлар ҳамкорликни давом эттириш ниятида эмас - фақат харидор топиш қолди. Журналист Николо Скиранинг ёзишича, "бьянконерилар" раҳбарияти серб учун 20 млн евро сўрамоқда. Футболчи Туркия ва Саудия Арабистони клубларига ўтиш имкониятини истисно қилди. Асосий муаммо - Влаховичнинг маоши: ҳозирда форвард йилига 12 млн евро маош олади ва унинг талабларини қондиришни хоҳловчилар унчалик кўп эмас. Афтидан, вазият август охиригача ойдинлашмайди - ўтган йили Федерико Кьеза билан бўлгани каби.
Эслатиб ўтамиз, 25 ёшли футболчининг "Ювентус" билан амалдаги шартномаси бир йилдан сўнг якунига этади.
