"Барселона" "Атлетик" вингери Нико Уильямс трансферини тезроқ ёпмоқчи.
"Кўк-анорранглилар" трансферга розилик берган испаниялик футболчини сотиб олишдан аввал Ла Лига билан келишиб олиши керак. Directo Gol хабарига кўра, "Барселона"нинг мақсади битимни 13 июлга қадар якунлашдир. Шу куни, агар ҳаммаси кўнгилдагидек бўлса, Уильямс тиббий кўрикдан ўтади ва шартнома имзолайди.
Каталония гранди учун футболчи таътилдан кейин Бильбаога қайтмаслиги, балки дарҳол Ханс-Дитер Флик жамоаси сафини тўлдириши муҳим.
Трансфер қиймати тахминан 58 млн еврони ташкил этади. 12 июль куни Уильямс 23 ёшга тўлади.
