Мадриднинг "Реал" клуби клублар ўртасидаги жаҳон чемпионати якунлангач, янги ҳимоячи билан шартнома имзолайди.

"Қаймоқранглилар" сафини "Бенфика"нинг чап қанот ҳимоячиси Альваро Каррерас тўлдиради, дея хабар бермоқда журналист Хосе Мануэль Морено. Испаниялик футболчининг трансфери июль ойида, жамоа клублар ўртасидаги жаҳон чемпионатидаги иштирокини якунлаганида амалга оширилади. 22 ёшли футболчи бўйича музокаралар баҳордан бери давом этмоқда, аммо якуний келишувга энди эришилганга ўхшайди.

Альваро Каррераснинг трансфер нархи Transfermarkt портали томонидан 35 млн еврога баҳоланмоқда. Футболчининг "Бенфика" билан шартномасида 50 млн евро товон пули кўрсатилган.