"Бавария" хавбеки Леон Горецка клублар ўртасидаги ЖЧ - 2025 1/8 финали доирасида Бразилиянинг "Фламенго" жамоасига қарши кечган баҳсга изоҳ берди. Мюнхенликлар 4:2 ҳисобида рақибдан устун келди.
"Ўйинни жуда муваффақиятли бошладик. Жамоамиз рақиб майдонида бир нечта муҳим тўпларни ютиб олишга муваффақ бўлди, шундан сўнг голлар урилди. "Фламенго"нинг иккинчи голи тасодифий эди, аммо биз концентрацияни сақлаб қолдик. "Бавария" тўп назоратини қўлга олди ва ажойиб футбол намойиш этди," - дея ярим ҳимоячининг сўзларини келтиради ФИФА матбуот хизмати.
Эслатиб ўтамиз, "Бавария" мусобақанинг чорак финалида Франциянинг "ПСЖ" клубига қарши баҳс олиб боради.
