"Галатасарой"нинг бразилиялик ярим ҳимоячиси Габриэль Сара "Астон Вилла"нинг трансфер нишонига айланди. Бу ҳақда журналист Себастьен Видаль хабар бермоқда.
Манбага кўра, "Астон Вилла" 26 ёшли бразилиялик футболчи учун турк клубига 20 миллион евро таклиф қилган. Таъкидланишича, "Галатасарой" икки баробар кўпроқ олмоқчи. Умуман олганда, клубнинг мақсади шартномаси 2029 йилгача мўлжалланган Сарани сақлаб қолишдир.
Сара 2024/25 йилги мавсумда барча мусобақаларни ҳисобга олган ҳолда 45 та ўйинда майдонга тушиб, иккита гол урди ва ўнта голли узатмани амалга оширди.
