Миланнинг “Интер” клуби “Флуминенсе”га қарши ўйиндаги омадсизликдан сўнг клублар ўртасидаги жаҳон чемпионатини тарк этади. Бахтсиз кечган учрашувдаги воқеаларни Италия терма жамоаси ҳимоячиси Маттео Дармиан изоҳлади.
"Афсуски, барчамиз кейинги босқичга чиқишни хоҳладик. Муваффақиятга эриша олмадик, лекин ҳаракат қилдик. Иккинчи бўлимда биз бор нарсани беришга ҳаракат қилдик. Кўп имкониятлар яратдик, аммо омадимиз келмади, рақиб эса барча имкониятларини рўёбга чиқарди. Муваффақиятсизлик учун биз жавобгармиз", деди Дармиан.
Эслатиб ўтамиз, "Интер" ўтган мавсумда совринларсиз қолганди.
